या भव्य महाद्वारावर उत्सव प्रसंगी वाद्ये वाजवण्यासाठी नगारखाना असून रोज पहाटे पाच वाजता नगारखान्यात सनईच्या मंजुळस्वरांनी दैनंदिन कार्यक्रमाला सुरुवात होते. तसेच सकाळी १० वाजता समृद्ध पूजा झाल्यावर आरतीपूर्वी ५ मिनिटे, दुपारी १२ वाजता महाप्रसाद (नैवेद्य)दाखवल्यावर होणाऱ्या आरतीपूर्वी ५ मिनिटे आणि संध्याकाळी ७.४० वाजता होणाऱ्या सायंपूजेच्या आरतीपूर्वी ५ मिनिटे नगारखान्यात वाद्ये वाजवण्यात येतात.
